Adumet gayam ti langat kinaduktor,
Adda naisem ken saan,
Adda madi mo maispelling ken maawatan,
Sipud tay suratna ken templa,
Masapul nga agdingeg aprentis ken nars dita.
Ngem adda met tay naasi kas alumpipinig,
Adda met tay naunget nga kasla makaablat,
Uray marurodka, makailunod makaibabawi’t gura,
Iyunam latta tay kumbaba ken kapya.
Nu nabasam tay naglabas,
Adda met henyo nga kas ni Rizal,
Ken sumagmamano nga dadduma nga kas ni Pio Valenzuela.
Ngem tatta ket aduti duktor nga di-metro,
Kasla presyo’t krudo, de-kumisyon ken delikado,
Ta unayen pati dadduma diya’y ospital ket adda gudwada,
Kasanun tun laengen igatangen ti agas,
Kapas ken alkuol, suwero ken kanen pasyenteda?
Nu apay met adda subra nga naannad,
Adda met awan annad ken kunsidera,
Ngem awan makaypulong nudiket aguray lattan
Asi ni
Naka-pirma pay utang ospital, salda’t nuwang ken daga.
Tay kayatmo nga duktor,
Madi mabaydan marunggay ti serbisyona,
Isunga tay dinuduktor ti nangkita ken Inang
Awan kanut nagbati nga limpiyo, nag-abroadda.
Ngem ti ut-ot ti ayannudtan ket haan nga maiyuray
Limpiyona, haan aya?
Ikidem lattan nu tay duktor nga ammuna’t umapros
Wennu tay maysa nga awan kararwana
Ken tay pay na-gita’t ngiwatna.
Sipud idi, nangatut saad ken kita ni Ama
Ta intuding kanot Apo ti kinaduktor nabasada ngata diya’y bibliya?
Tapnu pagtalkan salun-at, mangpababat kinabara
Nu panunotem nalaing kaslansa haan nga usto tay lolo Hipocrates
Gapu’t nagluwa ken immanug-ogmet ni mang Apol
Idi nagbugsot ni tata, awan naaramidan laingna.
